Տանյա Ռոբերթսի ներկայացուցիչը հերքել է նրա մահվան մասին լուրերը

12:54 • 05.01.21

Ամերիկացի դերասանուհի և մոդել Տանյա Ռոբերթսը, ով «Հայացք սպանությանը» ֆիլմում մարմնավորել է գործակալ Ջեյմս Բոնդի ընկերուհուն, ողջ է, նրա մահվան մասին տեղեկությունները չեն համապատասխանում իրականությանը: Այս մասին տեղեկացնում է Variety հրատարակությունը` հղում տալով դերասանուհու ներկայացուցչին:

Ըստ Variety- ի, երկուշաբթի առավոտյան հիվանդանոցում, որտեղ գտնվում է Ռոբերթսը, հաղորդել են, որ դերասանուհին ողջ է: Դերասանուհու ներկայացուցչի խոսքերով՝ նա վերակենդանացման բաժանմունքում է, վիճակը գնահատվում է ծանր:

Տանյա Ռոբերթսը 1980-ականների ամենահայտնի դերասանուհիներից մեկն էր: «Հայացք սպանությանը» (1985) ֆիլմում նրա հետ միասին հանդես է եկել Ռոջեր Մուրը՝ մարմնավորելով Բոնդի կերպարը:

Ինչպես ավելի վաղ տեղեկացրել էր Tert.am-ը, TMZ պորտալը գրել էր, որ մահացել է Ամերիկացի դերասանուհի և մոդել Տանյա Ռոբերթսը, որը մարմնավորել է 007 գործակալ Ջեյմս Բոնդի ընկերուհու կերպարը «Հայացք սպանությանը» ( A View to a Kill) ֆիլմում: