Մոսկվայի մերձակայքում գտնվող կահույքի գործարաններից մեկում հրդեհ է բռնկվել

11:07 • 08.01.21

Մերձմոսկովյան Ռամենսկոե քաղաքում գտնվող կահույքի գործարանի տարածքում պահեստ է հրդեհվել: Այս մասին տեղեկացնում է «ՌԻԱ Նովոստի» գործակալությունը` հղում տալով ՌԴ ԱԻՆ շրջանային ծառայությանը:

Հրդեհի մասին հայտնի է դարձել առավոտյան ժամը 07:30-ին (Երևանի ժամանակով 08:30-ին): Ի սկզբանե հաղորդվում էր, որ 3000 քառակուսի մետր տարածքում այրվում է մետաղական պահեստը: Ավելի ուշ Արտակարգ իրավիճակների նախարարության շտաբը պարզաբանել է, որ հրդեհի տարածքն աճել է ՝ դառնալով 8000 քառակուսի մետր:

Հրդեհին տրվել  է բարդության երկրորդ աստիճան: Տեղում աշխատում է 82 մարդ և 25 միավոր տեխնիկա: