Կորոնավիրուսով պայմանավորված բարդությունների հետևանքով մահացել է Հռոմի պապի անձնական բժիշկը

23:08 • 09.01.21

Ֆաբրիցիո Սոկորսին, որը Հռոմի պապի անձնական բժիշկն էր, մահացել է օնկոլոգիական հիվանդությունից, որը բարդացել էր կորոնավիրուսով վարակվելու պատճառով:

Ինչպես փոխանցում է РБК-ն՝ հղում անելով Վատիկանի լրատվական ծառայությանը, 78-ամյա տղամարդը հոսպիտալացվել է «Ջեմելի» հիվանդանոցում՝ օնկոլոգիական հիվանդությամբ: Մահը վրա է հասել «Քովիդ-19»-ով պայմանավորված բարդությունների հետևանքով:

Հռոմի Ֆրանցիսկոս պապն այսօր ավելի վաղ հայտարարել էր, որ մտադիր է մոտ օրերս պատվաստվել կորոնավիրուսի դեմ: Բացի այդ, 84-ամյա քահանայապետը պատվաստվելն անվանել է յուրաքանչյուրի «էթիկական պարտքը»:

Իտալիայում համավարակի ողջ ընթացքում կորոնավիրուսով վարակվել է ավելի քան 2.2 մլն մադր, մահացել՝ ավելի քան 78 հազարը: