Բայդենը ԱՄՆ Սենատի ներկայացուցիչների հետ քննարկել է Թրամփի հնարավոր իմպիչմենտին վերաբերող հարցեր
ԱՄՆ ընտրված նախագահ Ջո Բայդենը ամերիկացի օրենսդիրների հետ քննարկել է գործող նախագահ Դոնալդ Թրամփի հնարավոր իմպիչմենտին վերաբերող հարցեր, ТАСС-ի փոխանցմամբ՝ հայտարարել է Բայդենը Դելավեր նահանգում ունեցած ելույթում:
Բայդենի խոսքով՝ քննարկումը վերաբերել է նրան, թե արդյոք սենատորները կարող են միաժամանակ զբաղվել Թրամփի իմպիչմենտի գործընթացով, ինչպես նաև՝ Բայդենի թիմի անդամներին համապատասխան պաշտոններում նշանակելու և համավարակի դեմ պայքարի համար ֆինանսական հատկացումներ կատարելու աշխատանքներով:
«Ես կարծում եմ, որ նախագահ Թրամփը չպետք է մնա այդ պաշտոնում: Վերջակետ»,- հավելել է Բայդենը:
Նա ընգծել է նաև, որ Կապիտոլիումը գրոհած անձինք պետք է պատասխանատվության ենթարկվեն:










