Պորտուգալիայի նախագահը վարակվել է կորոնավիրուսով
Պորտուգալիայի նախագահ Մարսելու Ռեբելու դի Սոուզան կորոնավիրուսով է վարակվել: Այս մասին հայտնում է պետության ղեկավարի պաշտոնական կայքը:
«Երեկ հանրապետության նախագահի կորոնավիրուսի ախտորոշման թեստը բացասական արդյունք ուներ: Չնայած այսօր կորոնավիրուսի հակագեների առկայության թեստը բացասական է եղել, հայտնի է դարձել, որ 21:40-ին ՊՇՌ թեստը դրական արդյունք է ցույց տվել»,- ասված է երկրի նախագահի մամուլի ծառայության հաղորդագրությունում:
Նշվում է, որ պորտուգալացի ղեկավարը կորոնավիրուսով վարակման ախտանիշներ չունի:
Ստեղծված իրավիճակով պայմանավորված՝ նախագահի մասնակցությամբ առաջիկայում նախատեսված միջոցառումները չեղարկվել են:
Ըստ երկրի առողջապահության գլխավոր վարչության տվյալների՝ Պորտուգալիայում կորոնավիրուսային ինֆեկցիայով վարակման դեպքերի թիվը անցել է 489 հազարից, իսկ մահվան դեպքերի ընդհանուր թիվը հասել է 7925-ի:










