Իրանի ռազմածովային ուժերը կոշտ պատասխան կտան Պարսից ծոցում թույլ տրված ցանկացած սխալի դեպքում. իրանցի հրամանատար  

23:26 • 13.01.21

 

Իրանի «Իսլամական հեղափոխության պահապանների կորպուսի» ռազմածովային ուժերի հրամանատար, գեներալ Ռամեզան Զիրահին հայտարարել է, որ թշնամիները կոշտ պատասխան կստանան Պարսից ծոցում որևէ սխալ թույլ տալու դեպքում:

Ինչպես հայտնում է «Թանսիմ» գործակալությունը, ելույթ ունենալով Բուշեր նավահանգստային քաղաքում՝ հրամանատարը դատապարտել է ոչ տարածաշրջանային երկրների անօրինական ներկայությունը՝ դա բնութագրելով որպես Պարսից ծոցում անվտանգության խախտման միակ գործոն:

Գեներալ Զիրահին զգուշացրել է, որ թշնամիների թույլ տված ցանկացած սխալ տարածաշրջանում լուրջ արձագանքի կարժանանա Իրանի ռազմածովային ուժերի կողմից:  

Վերջինս հավելել է, որ օտարերկրյա նավերը մշտական վերահսկողության տակ են գտնվում Պարսից ծոցի տարածաշրջանում: