Հանրապետականները հրաժարվել են գումարել Սենատը՝ Թրամփի իմփիչմենթի հարցը քննարկելու համար

23:51 • 13.01.21

ԱՄՆ Սենատում հանրապետականների առաջնորդ Միթչ Մաքքոնելը հրաժարվել է գումարել Կոնգրեսի վերին պալատը՝ վերանայելու համար երկրի գործող նախագահ Դոնալդ Թրամփի իմփիչմենթի մասին հարցը մինչև նորընտիր նախագահ Ջո Բայդենի երդմնակալության արարողությունը:

Ինչպես փոխանցում է CNN-ը, Մաքքոնելի խոսքով՝ Սենատն արձակուրդից կվերադառնա հունվարի 19-ին՝ Բայդենի երդմնակալության արարողության և պաշտոնավարման ստանձնման նախօրեին:

Հիշեցնենք, որ այսօր Ներկայացուցիչների պալատում մի քանի ժամ շարունակ ընթանում է Թրամփի իմփիչմենթի հարցի շուրջ քննարկումը: Իմփիչմենթն արդեն անցել է ընթացակարգային քվեարկությունը Ներկայացուցիչների պալատում:  

Թրամփի դեմ իմփիչմենթի գործընթաց սկսելու համար պատճառ է հանդիսացել հունվարի 6-ին Կապիտոլիումի շենք ներխուժած խռովարարներին խրախուսելու համար: