«Թագավոր, սա թագավորն է». Բելգիայի միապետի ավտոշարասյունը հայտնվել է ցուցարարների և ոստիկանների միջև բախումների կենտրոնում (տեսանյութ)
Բելգիայի թագավոր Ֆիլիպի ավտոշարասյունը հայտնվել է երկրի մայրաքաղաք Բրյուսելում սկսված անկարգությունների գոտում: Այս մասին հայտնում է ТАСС-ը՝ հղում տալով RTBF հեռուստաալիքին:
Հեռուստաալիքը հրապարակել է հեռախոսով նկարահանված տեսանյութ, որում միապետի մեքենան ոստիկանության ուղեկցությամբ անցնում է Հյուսիսային կայարանի մոտ գտնվող Լիդտի հրապարակով, որը ցուցարարների և ոստիկանության ներկայացուցիչների միջև սկսված բախումների կենտրոնում էր:
Նշվում է, որ ցուցարարներին հաջողվել է ճանաչել միապետի ավտոշարասյունը: Տեսանյութի կադրերից դուրս լսվում են բացականչություններ՝ «Թագավոր, սա թագավորն է»:
Հեռուստաալիքը նշել է, որ քարեր են նետվել միապետի մեքենայի ուղղությամբ, չնայած պարզ չէ ՝ դրանք ուղղված են եղել մեքենայի՞ն, թե՞ հրապարակը շրջափակած ոստիկաններին: Թագավորը չի տուժել:
King Phillipe of Belgium's car attacked in Brussels pic.twitter.com/FqUmEkOAYJ
— SteveSpCorner (@SteveRightNLeft) January 13, 2021










