Պուտինը ընդլայնել է Ռուսաստանի քաղաքացիություն ստանալու պարզեցված ընթացակարգը Ուկրաինայի բնակիչների վրա

19:19 • 11.07.22

Ռուսաստանի քաղաքացիության պարզեցված ձեռքբերման հնարավորությունը տարածվում է Ուկրաինայի ողջ տարածքի բնակիչների վրա: 

ՌԴ նախագահ Վլադիմիր Պուտինի համապատասխան հրամանագիրը երկուշաբթի հրապարակվել է իրավական տեղեկատվության պաշտոնական պորտալում։ Այս մասին հաղորդում է ՏԱՍՍ գործակալությունը:

«Ուկրաինայի, Դոնեցկի Ժողովրդական Հանրապետության, Լուգանսկի Ժողովրդական Հանրապետության քաղաքացիները և քաղաքացիություն չունեցող անձինք, ովքեր մշտապես բնակվում են Դոնեցկում, Լուգանսկում, Ուկրաինայում, ներառյալ նրանք, ովքեր նախկինում ունեցել են Ռուսաստանի քաղաքացիություն և հրաժարվել են դրանից, իրավունք ունեն պարզեցված ձևով դիմել Ռուսաստանի Դաշնության քաղաքացիություն ստանալու համար»,- ասվում է հրամանագրում: