Իրանում ջրհեղեղ է. կան զոհեր և վիրավորներ

17:20 • 28.07.22

Առնվազն 5 մարդ է մահացել, ևս 9-ը տուժել են Իրանի Թեհրան նահանգի հյուսիսային հատվածում տեղի ունեցած ջրհեղեղի հետևանքով: Այս մասին հաղորդում է իրանական IRNA գործակալությունը։

Նշվում է, որ ևս 14 մարդ անհետ կորած է համարվում: Որոնողափրկարարական աշխատանքները շարունակվում են։ Դրանց մասնակցում են 80 փրկարարներ։

Իրանում հորդառատ անձրևների հետևանքով առաջացած ջրհեղեղը սկսվել է այս գիշեր Իմամզադե Դավուդ լեռնային շրջանում, որը գտնվում է Իրանի մայրաքաղաքից հյուսիս: