Վրաստանում զինված տղամարդը ներխուժել է բանկ. նա պահանջում է 3 ժամվա ընթացքում իրեն վճարել 2 միլիոն դոլար

13:13 • 20.09.22

Վրաստանում զինված տղամարդը ներխուժել է Քութայիսիի կենտրոնում գտնվող Վրաստանի բանկի մասնաճյուղ, ապա պատանդների միջոցով ներկայացնել իր պահանջները, հայտնում է newsgeorgia.ge կայքը։

Առևանգողը պահանջում է երեք ժամվա ընթացքում իրեն վճարել 2 միլիոն դոլար։ Նա, սակայն, չի հստակեցնում, թե ինչ կլինի, եթե այս պայմանը չկատարվի։

Պահանջը հնչեցրել է բանկում պահվող պատանդներից մեկը՝ մի երիտասարդ. նա ուղիղ եթեր է մտել Facebook սոցիալական ցանցում։ Տեսանյութի մի հատված տարածում է Pirveli հեռուստաալիքը։