«Սուրմալուի» տարածքը մաքրվել է, Քրիստափորի փողոցի երթևեկությունը՝ վերականգնվել․ Երևանի քաղաքապետարան

10:48 • 12.10.22

«Սուրմալու» առևտրի կենտրոնի սեփականատիրոջ կողմից իրականացված աշխատանքների արդյունքում քանդվել է պայթյունի հետևանքով մասնակի կանգուն մնացած մասնաշենքը:

Այս մասին տեղեկացնում են Երևանի քաղաքապետարանից։

Տարածքը մաքրվել է, շինարարական աղբը՝ տեղափոխվել: Աշխատանքներ են տարվում նաև հարակից մայթի բարեկարգման ուղղությամբ: Հոկտեմբերի 12-ից՝ Քրիստափորի փողոցում տրանսպորտային միջոցների համար վերականգնվել է երկկողմանի երթևեկությունը։