Պետդեպարտամենտը G20-ի գագաթնաժողովի շրջանակում Ռուսաստանի և ԱՄՆ-ի միջև շփումներ չի ակնկալում
G20-ի գագաթնաժողովի շրջանակում Ռուսաստանի Դաշնության և ԱՄՆ-ի միջև շփումներ չեն սպասվում, հայտարարել է ԱՄՆ Պետդեպարտամենտի պաշտոնական ներկայացուցիչ Նեդ Փրայսը։
«Ես չեմ ակնկալում, որ ԱՄՆ-ի և Ռուսաստանի միջև քննարկումներ կլինեն G20-ի համատեքստում»,- ասել է Փրայսը ճեպազրույցի ժամանակ։
Նա պատասխանել է հարցին, արդյոք կա Ռուսաստանի Դաշնության և Միացյալ Նահանգների միջև շփումների հավանականություն՝ Մոսկվայում ԱՄՆ դեսպանատան աշխատանքի և այնտեղ դիվանագիտական անձնակազմի ավելացման հնարավորության վերաբերյալ:
«Ես չեմ ակնկալում, որ այս երկկողմանի հարցը կլինի G20-ի ժամանակ ԱՄՆ օրակարգում»,- ասել է Փրայսը։










