Արմավիրի մարզում երեկ տեղի ունեցած ավտովթարի հետևանքով Երևան տեղափոխված տուժածներից մեկի վիճակը ծանր է, մյուսինը՝ կայուն. ԱՆ

12:39 • 04.11.22

Լուսանկարը՝ Քննչական կոմիտեի

ՀՀ առողջապահության նախարարությունը թարմացված տեղեկություն է տրամադրել Արմավիրի մարզում տեղի ունեցած վթարից տուժածների առողջական վիճակի վերաբերյալ:

Արմավիրի մարզում երեկ տեղի ունեցած ավտովթարի հետևանքով Արմավիրի բժշկական կենտրոնում գտնվող 5 տուժածներն ամբուլատոր բուժօգնություն ստանալուց հետո դուրս են գրվել:

Երևան տեղափոխված 2 տուժածներից մեկը գտնվում է վերակենդանացման բաժանմունքում, առողջական վիճակը գնահատվում է ծանր:

Մյուսը նյարդավիրաբուժական բաժանմունքում է: Բժիշկները տուժածի առողջական վիճակը գնահատում են կայուն: