Տանզանիայում ինքնաթիռն ընկել է լիճը․ 26 ուղևոր արդեն փրկվել է (տեսանյութ)
Ուղևորատար ինքնաթիռը վթարի է ենթարկվել Տանզանիայի հյուսիսում՝ ընկնելով Վիկտորիա լիճը։ Ինքնաթիռը փորձել է վայրէջք կատարել Բուկոբա օդանավակայանում, սակայն չի ստացվել։ Այս մասին հայտնում է Reuters-ը։
Ֆրանկո-իտալական ATR 42-500 օդանավում գտնվող 43 մարդկանցից 26-ն արդեն փրկվել են, հաղորդում է Tanzania Business Insight-ը: Դեպքի վայրում շարունակում են աշխատել փրկարարները։
Տանզանիայի նախագահ Սամիա Սուլուխու Հասանը Twitter-ում հայտնել է, որ ուշադիր հետևում է իրավիճակին։
Տեղի ոստիկանապետը հայտնել է, որ օդանավը լիճն է ընկել 100 մետր բարձրությունից, վթարի պատճառը եղանակային պայմաններն են։
Տեսանյութն՝ այստեղ։










