ՄԱԳԱՏԷ-ն հայտարարել է կարճ ժամանակում Իրանի կողմից միջուկային զենքի ստեղծումը բացահայտելու հնարավորության մասին

18:16 • 20.06.24

Ատոմային Էներգիայի միջազգային գործակալության (ՄԱԳԱՏԷ) մասնագետները մի քանի օրվա ընթացքում կկարողանան բացահայտել Իրանի կողմից սեփական միջուկային զենքի ստեղծման փաստը, եթե երկիրը սկսի նման գործողություններ իրականացնել:

Այս մասին շվեյցարական Neue Zürcher Zeitung թերթին տված հարցազրույցում հայտարարել է ՄԱԳԱՏԷ-ի գլխավոր տնօրեն Ռաֆայել Գրոսին։

«Միջուկային ռումբի ստեղծումն ինքնին անօրինական կլիներ, ուստի գաղտնի կիրականացվեր։ Բայց ինչ վերաբերում է դրա համար անհրաժեշտ ուրանի հարստացմանը, մենք լիարժեք պատկերացում ունենք այդ ոլորտում տեղի ունեցող գործընթացների մասին։ Նման ակտիվություն կհայտնաբերվեր հաշված օրերի ընթացքում», - նշել է նա ։