Nvidia-ի գլխավոր տնօրեն Ջենսեն Հուանգը ռոմանտիկ հարաբերությունների մեջ է եղել նաև ընկերության փոխնախագահի հետ. NYT

Nvidia-ի գլխավոր տնօրեն Ջենսեն Հուանգը ռոմանտիկ հարաբերությունների մեջ է եղել ընկերության փոխնախագահ Քիմբերլի Փաուելի հետ, որը պատասխանատու է առողջապահության ոլորտում Nvidia-ի արտադրանքի համար։ Այս մասին հայտնել է The New York Times (NYT) թերթը՝ հղում անելով աղբյուրներին, 

Ավելի վաղ Nvidia-ի տնօրենների խորհուրդը հայտնել էր Հուանգի նկատմամբ հետաքննություն սկսելու մասին՝ ՉԺՀ-ի օգտին լրտեսության մեջ կասկածվող կնոջ հետ նրա արտամուսնական կապի վերաբերյալ տեղեկությունների հայտնվելու պատճառով։ Չինաստանի ԱԳՆ-ն հայտարարել էր, որ զրպարտություն է համարում Հուանգի հետ կապված կնոջ՝ չինական հետախուզության համար աշխատելու մասին պնդումները։

The New York Times-ի տեղեկություններով՝ Հուանգը արտամուսնական հարաբերություններ է ունեցել նաև Փաուելի հետ։ Նա Nvidia-ում աշխատում է 2008 թվականից և 2017 թվականին զբաղեցրել է իր ներկայիս պաշտոնը։ Փաուելը գտնվում է Հուանգի անմիջական ենթակայության ներքո, նշում է NYT-ն։ Թերթի աղբյուրների տեղեկություններով՝ ընկերությունում գիտեին նրանց կապի մասին։

Ավելի վաղ Nvidia-ի տնօրենների խորհուրդը հայտնել էր Հուանգի նկատմամբ հետաքննություն սկսելու մասին՝ ենթադրաբար ՉԺՀ-ի օգտին լրտեսության մեջ մեղադրվող կնոջ հետ նրա հարաբերությունների պատճառով։ Ինքը՝ ընկերության ղեկավարը, էլեկտրոնային նամակում խոստովանել է կասկածյալի հետ ռոմանտիկ հարաբերությունների մասին և ընդգծել, որ իր վրա է վերցնում իր գործողությունների ողջ պատասխանատվությունը։ Չինաստանի ԱԳՆ-ն հայտարարել է, որ զրպարտություն է համարում այն կնոջ՝ չինական հետախուզության օգտին աշխատելու մասին պնդումները, ում հետ կապեր է ունեցել Հուանգը։