Մալայզիայի իշխող կուսակցությունն առաջարկել է չեղյալ հայտարարել ամանորյա տոնակատարությունները ջրհեղեղների պատճառով (լուսանկարներ)
Մալայզիայում իշխող Միացյալ մայալզիական ազգային կազմակերպությունն առաջարկել է չեղյալ հայտարարել Ամանորի տոնակատարությունները՝ կապված վերջին տասը տարվա ընթացքում ամենաուժեղ ջրհեղեղների հետևանքով երկրի հյուսիսում և արևելքում ստեղծված ծանր իրավիճակի հետ: Այդ մասին դեկտեմբերի 25-ին հայտարարել է կուսակցության բարձրագույն խորհրդի անդամ Իրմոխիզամ Իբրահիմը, հաղորդում է ТАСС-ը:
Նրա խոսքով՝ կառավարությունը «պետք է միասնականություն դրսևորի տուժած նահանգների բնակիչների հետ, ովքեր ստիպված են եղել լքել իրենց տները, այժմ նրանք գտնվում են փախստականների ժամանակավոր կենտրոններում»:
Քաղաքական գործիչը նշել է, որ դժվար իրավիճակը կարող է շարունակվել մինչև հունվարի սկիզբը: Այդ պատճառով անհրաժեշտ է «միավորվել, աշխատել և աղոթել մարդկանց անվտանգության համար»:
Իբրահիմը նաև հայտնել է, որ մտադիր է դիմել կառավարությանը՝ նախատեսված Ամանորյա տոնակատարությունները երկրում չեղյալ հայտարարելու խնդրանքով:












