Բրյուս Ուիլիսը տեսաուղերձ է հղել՝ շնորհավորելով ամերիկացի զինծառայողներին Սբ Ծննդյան առթիվ (տեսանյութ)

14:00 • 25.12.14

Հոլիվուդյան հայտնի դերասան Բրյուս Ուիլիսը շնորհավորել է ամերիկացի զինծառայողներին Սուրբ Ծննդյան տոնի առթիվ, գրում է The Washington Times-ը։

 

Դերասանի տեսաուղերձը հայտնվել է Զինված ուժերի սպասարկման միացյալ կազմակերպությունների՝ USO-ի կայքում։

 

Ուիլիսը հիշեցրել է ամերիկացիներին ԱՄՆ-ի զինծառայողների աշխատանքը գնահատելու անհրաժեշտության մասին, «որոնք այս տոնական սեզոնին հայրենիքից դուրս ծառայություն են անցնում»։

 

Դերասանը պատմել է, որ տարիներ առաջ USO-ի հետ ճամփորդության ժամանակ նա անձամբ է տեսել, թե ինչ զոհողությունների են գնում «մեր զորքերը»։

 

«Այժմ նրանք մեր կարիքն ավելի շատ են զգում։ Մենք պետք է շնորհակալություն հայտնենք նրանց»,- ասել է նա։

 

USO-ն ոչ առևտրային կազմակերպություն է, որն օգնում է ամերիկացի զինծառայողներին և նրանց հարազատներին։