Վրաստանի և Ռուսաստանի ավիաընկերությունները շաբաթական 18 թռիչք կիրականացնեն

11:27 • 26.12.14

Վրացական և ռուսական ավիաընկերությունները մինչ 2015թ. հունվարի վերջ շաբաթական 18 թռիչք կիրականացնեն՝ Մոսկվա-Թբիլիսի-Մոսկվա ուղղությամբ, հայտնում է Վրաստանի կայուն զարգացման և էկոնոմիկայի նախարարության մամուլի ծառայությունը։ Բանակցություններն անցկացվել են Թբիլիսիում, փոխանցում է РИА Новости-ն։

 

Ավելի վաղ գործադուլ էր հայտարարել Airzena-Georgian Airways ավիաընկերության անձնակազմը։ Ընկերության ներկայացուցիչները դեմ էին Վրաստանի իշխանությունների որոշմանը, որը թույլ էր տվել ռուսական ավիափոխադրողներին առաջնային կարգով չվերթներ իրականացնել Ռուսաստանի և Վրաստանի միջև։

 

Վրաստանի կառավարությունը չեղյալ էր համարել Քաղավիացիայի որոշումը և վերականգնել դեպի Մոսկվա ավիաչվերթների նախկին հաճախականությունը՝ շաբաթական 14 չվերթ՝ 10-ի փոխարեն։