Հաքերները հարձակվել են Xbox Live-ի և PlayStation Network-ի վրա՝ «Հարցազրույց» ֆիլմի թողարկումից հետո

09:48 • 26.12.14

Հաքերները հարձակում են գործել Xbox Live և PlayStation Network առաջատար խաղային սերվերների վրա՝ ԿԺԴՀ առաջնորդ Կիմ Չեն Ընի դեմ մահափորձի մասին պատմող սկանդալային «Հարցազրույց» ֆիլմի համացանցային վարձույթում հայտնվելուց հետո, գրում է «Взгляд»-ը:

 

Play Station Network-ն ամբողջովին անջատվել է, և համակարգի էջում սերվերների անհասանելիության մասին հաղորդագրություն է հրապարակվել:

 

Lizard Squad հաքերային խումբը ստանձնել է խաղային հարթակների վրա հարձակման պատասխանատվությունը, սակայն այդ հայտարարությունները դեռ չեն հաստատվել:

 

Խաղային հարթակներում աշխատանքի խաթարումը տեղի է ունեցել Սուրբ Ծննդյան, երբ հատկապես մեծ է սերվերների ծանրաբեռնվածությունը, և Sony ընկերության շուրջ սկանդալի ֆոնին:

 

Ի դեպ, Հյուսիսային Կորեայի առաջնորդ Կիմ Չեն Ընի սպանության մասին «Հարցազրույց» ֆիլմի պատճենները մեկ օրում ներբեռնել է ավելի քան 900.000 մարդ։