«Իսլամական պետության» մոտ գտնվող հորդանանցի օդաչուի հայրը խնդրում է ազատ արձակել իր որդուն (լուսանկարներ)
Սիրիայում «Իսլամական պետություն» ծայրահեղական խմբավորման գրոհայինների ձեռքն ընկած հորդանանցի օդաչուի հայրը խնդրել է ազատ արձակել իր որդուն, հաղորդում է Daily Mail-ը:
Սաֆի Յուսեֆ ալ-Կասեասբեն, Հորդանանի մայրաքաղաք Ամմանում խոսելով լրագրողների հետ, խնդրել է իսլամիստներին լավ վերաբերվել իր որդուն՝ հիշեցնելով զինյալներին, որ իր որդին նույնպես մուսուլման է:
«Նա այժմ «Իսլամական պետության» զինյալների ձեռքում է, և ես չեմ ցանկանում նրան որպես պատանդ որակել: Ես նրան հյուր եմ կոչում: Նա հյուր է Սիրիայի Իսլամական պետությունում՝ մեր եղբայրների մոտ»,- ասել է նա՝ խնդրելով որպես հյուր լավ վերաբերվել իր որդուն և հավելելով, որ իրենք բոլորը մուսուլմաններ են:
Ավելի վաղ լուսանկարներ էին հրապարակվել, որոնցում երևում է «Իսլամական պետություն» ծայրահեղական խմբավորման գրոհայինների ձեռքն ընկած ԱՄՆ-ի առաջնորդությամբ միջազգային կոալիցիոն ուժերի օդաչուն՝ ինքնաթիռի կործանումից հետո:
















