ԻԼԻՊ-ի զինյալները շուրջ 2000 մարդ են սպանել Սիրիայում. ակտիվիստներ
Վերջին 6 ամսվա ընթացքում «Իսլամական պետություն» խմբավորման զինյալները Սիրիայում սպանել են մոտ 2000 մարդու` կրակելով, գլխատելով և քարկոծելով: Այս մասին հաղորդում է BBC-ն` վկայակոչելով սիրիացի իրավապաշտպաններին:
Ակտիվիստները, ովքեր աշխատում են Լոնդոնում գործող Մարդու իրավունքների հարցով մոնիթորինգի սիրիական կենտրոնում, հայտարարել են, որ սպանվածներից շուրջ 1200-ը խաղաղ քաղաքացիներ են եղել:
Կենտրոնի հաղորդումների համաձայն` ջիհադականները մոտ 500 զինվորական և ոստիկանության ներկայացուցիչների են սպանել, որոնք գերի էին ընկել:
Հաղորդվում է նաև, որ գրոհայինները 100 սեփական զինյալներին են սպանել` հիմնականում փախուստի փորձի ժամանակ, ինչպես նաև 80 զինյալի «Նուսրայի ճակատ» ահաբեկչական կազմակերպությունից:










