Հալեպում ուժգին պայթյուն է որոտացել, բախումները վերսկսվել են նոր թափով

16:28 • 30.12.14

Սիրիայի հայաշատ Հալեպ քաղաքն այս առավոտյան ցնցվել է ուժգին պայթյունից:

Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, պայթյունը տեղի է ունեցել Հալեպի բերդի մոտակայքում՝ զինյալ ահաբեկչական խմբավորումների կողմից:

Պայթյունին հաջորդել է բուռն բախումների վերսկսումը՝  Հալեպի հին, պատմական թաղամասերում:

Բախումների և արձակված հրթիռների հետևանքով քաղաքի այդ շրջաններում երթևեկությունը խաթարվել է: Սիրիական բանակը շարունակում է դիմադրել: Բախումները շարունակվում են:

Այս օրերին՝ Ամանորի նախաշեմին, Հալեպի բնակչությունը ծանր օրեր է ապրում: Ավելի քան 5 օր է էլեկտրաէներգիան անջատված է, ջրամատակարարում նույնպես չի իրականացվում:

Սիրիական Կարմիր մահիկի ջանքերով ջրի հոսքը հաջողվել է ժամանակավորապես վերականգնել որոշ թաղամասերում միայն: Չնայած օդի ջերմաստիճանը բավական նվազել է,  վառելանյութ ևս քաղաքում չկա: