Իսպանացի կեղծարարները 1 մլն եվրոյի մետաղադրամներ են հատել

20:49 • 30.12.14

Իսպանիայի ոստիկանությունը երեքշաբթի ձերբակալել է 3 մարդու, ովքեր կասկածվում են կեղծ փողեր պատրաստելու մեջ` յուրաքանչյուրը 2 եվրոյի տեսքով:


Ինչպես հայտնում է РИА Новости-ն` Իսպանիայի ազգային ոստիկանության տվյալներով` ընդհանուր առմամբ` 5 տարվա աշխատանքի ընթացքում նրանք կարող էին 1 մլն եվրոյի մետաղադրամներ  պատրաստել:


Արհեստանոցները սարքավորվել են Մադրիդի 3 մասնավոր բնակարանում: Ոստիկանությունը կարծում է, որ մետաղադրամները կիրառվել են հիմնականում տրանսպորտային քարտեր գնելու համար՝ այնպիսի սարքերի օգնությամբ, որոնցով դրանց իսկությունը պարզելը դժվար է: Ինչպես էին կասկածյալները վաճառում քարտերը՝ հայտնի չէ:


Խուզարկության ընթացքում առգրավվել է 8000 մետաղադրամ, ևս շուրջ 400-ը պատրաստման փուլում են գտնվել: