Կիմ Չեն Ընի քույրն ամուսնացել է եղբոր օգնականներից մեկի որդու հետ

20:59 • 02.01.15

Հյուսիսային Կորեայի ղեկավար Կիմ Չեն Ընի կրտսեր քույրն ամուսնացել է եղբոր մտերիմ օգնական Չհվե Ռյոն Հեի որդու հետ, ինչի մասին տեղեկացնում է gazeta.ru-ն`«Ռենհապ» գործակալությանը հղումով:

 

Քաջատեղյակ աղբյուրը մանրամասնել է, որ Չհվե Ռյոն Հեի որդին` Ցոյ Սոնը մոտ 30 տարեկան է:

 

Բացի այդ, տեղի ԶԼՄ-ները հրապարակել են ղեկավարի 28-ամյա քրոջ` Կիմ Յո Չժոնի լուսանկարը, որտեղ նրա մատնեմատին մատանի է երևում:

 

Նշենք, որ Հյուսիսային Կորեայի ղեկավարի ու նրա ընտանիքի անդամների մասին անձնական տեղեկությունները հիմնականում գաղտնի են պահվում: