Մալայզիայում ձերբակալել են Skype-ի միջոցով իսլամիստ գրոհայինի հետ ամուսնացած կնոջը
Մալայզիայի ոստիկանությունը Կուալա Լումպուրի միջազգային օդանավակայանում ձերբակալել է մի աղջկա, ով Skype-ի միջոցով ամուսնացել է «Իսլամական պետություն»ահաբեկչական խմբավորման գրոհայիններից մեկի հետ:
Ինչպես հայտնում է ria.ru-ն, 27-ամյա աղջիկն ամուսնացել է ծնունդով մարոկկացի տղամարդու հետ, ով համոզել է կնոջն իրեն միանալ Սիրիայում:
Աղբյուրը մանրամասնում է, որ Իրաքի ու Սիրիայի տարածքի մեծ մասը զավթած ԻՊ-ը դարձել է 2014թ. գլխավոր միջազգային խնդիրներից մեկը:
Խմբավորումը, որն ունի 30.000-ից ավելի գրոհային, գրավյալ տարածքներում հիմնել է խալիֆայություն ու ձգտում է ընդլայնել իր սահմանները:










