Մելբուռնի օդանավակայանը փակ է պայթյունի սպառնալիքի պատճառով. ԶԼՄ-ներ

19:31 • 09.01.15

Ավստրիալիայի Մելբուռն քաղաքի միջազգային օդանավակայանը փակվել է պայթյունի վտանգի պատճառով:
Ինչպես հաղորդում է РИА Новости-ն` Sydney Morning Herald-ին հղումով, օդանավակայանի 1-ին տերմինալի ներկայացուցիչը հայտնել է, որ այն շարունակում է աշխատել  սովորական ռեժիմով: Տվյալ տերմինալից թռիչքներն իրականացնում է Qantas ավիաընկերությունը:


Ավստրալիայի վարչապետ Թոնի Էբոթը դեկտեմբերի վերջին երկրի բնակիչներին կոչ էր արել «լիակատար պատրաստականություն պահպանել» նոր ահաբեկչական սպառնալիքի պատճառով, որը պայմանավորված է Սիդնեյի սրճարաններից մեկում պատանդներ վերցնելուց հետո ահաբեկիչների հետ շարունակվող ինտենսիվ բանակցություններով:


Անցյալ տարվա դեկտեմբերին զինված անձը պատանդ էր վերցրել Սիդնեյի կենտրոնական  Lindt խանութ-սրճարանի  այցելուներից ու աշխատակիցներից 17-ին: Պատանդներին ստիպել են պատուհանին դրոշ կախել` արաբական գրություններով: 16 ժամ անց ոստիկանությունը գրոհել էր սրճարանը, որի հետևանքով 3 մարդ էր զոհվել, այդ թվում` չարագործը: