Anonymous-ը ցանցային պատերազմ է հայտարարել իսլամիստներին

15:33 • 10.01.15

Anonymous հաքերային խումբը պատերազմ է հայտարարել ջիհադականների ինտերնետային ռեսուրսների դեմ՝ իսլամիստների կողմից հունվարի 7-ին Փարիզում իրականացված ահաբեկչության համար. տեղեկացնում է РИА Новости  գործակալությունը:

 

Anonymous-ի ներկայացուցիչները տեսանյութ են հրապարակել, որում դատապարտում են ֆրանսիական Charlie Hebdo-ի դեմ իրականացված հարձակումը:

 

Նշվում է, որ այդ տեսանյութը հանդիսանում է ուղերձ «Ալ Կաիդայի», «Իսլամական պետության» և այլ ահաբեկիչներին ուղղված: Ցանցահենները խոստացել են վրեժ լուծել Charlie Hebdo-ի համար՝ ջիհադականների կայքերն անջատելու միջոցով:

 

«Մենք պատերազմ ենք հայտարարում ընդդեմ ահաբեկիչների»,- նշել է խմբի ներկայացուցիչը: Նրա դեմքը ծածկված է եղել Գայ Ֆոքսի ավանդական դիմակով: