Եղվարդի մանկապարտեզի տնօրենն ընդունել է իրեն առաջադրված մեղադրանքը. Փաստինֆո

15:12 • 10.01.15

Եղվարդի մանկապարտեզի տնօրենն ընդունել է իրեն առաջադրված մեղադրանքը՝ սանիտարահակահամաճարակային կանոնները խախտելու համար, որն անզգուշությամբ առաջացրել է մարդկանց զանգվածային հիվանդացում կամ թունավորում. այս մասին հայտնում է «Փաստինֆոն»։


Ըստ տեղեկության մանկապարտեզի տնօրեն Մ.Մանուկյանը, չնայած նախապես ներկայացրած հիվանդության մասին տեղեկանքին, այնուամենայնիվ, դեկտեմբերի 29-ին ներկայացել է վարույթ իրականացնող մարմին, նրան առաջադրվել է մեղադրանք, ինչը նա ընդունել է:


Հիշեցնենք, որ ՀՀ քննչական կոմիտեի Կոտայքի մարզային քննչական վարչությունում քննվող քրեական գործի նախաքննությամբ պարզվել էր, որ  Եղվարդի թիվ 1 մանկապարտեզում չեն պահպանվել սանիտարահակահամաճարակային կանոնները, մանկապարտեզի խոհանոցում ստեղծվել է հակասանիտարահամաճարակային իրավիճակ, ինչն էլ հանգեցրել էր մանկապարտեզի սաների, աշխատակիցների  ու նրանց հետ շփվող մարդկանց զանգվածային թունավորման։