Ավստրալական թերթը Մուհամմեդ մարգարեի ծաղրանկարն է հրապարակել
Ավստրալական թերթը հրապարակել է Մուհամմեդ մարգարեի ծաղրանկարը, տեղեկացնում է gazeta.ru-ն:
Ծաղրանկարում պատկերված են Հիսուսն ու Մուհամմեդ մարգարեն` վիճելիս:
Պարբերականի համաձայն՝ ծաղրանկարը հրապարակվել է՝ ի նշան Ֆրանսիայում վերջին ահաբեկչություններից հետո խոսքի ազատությանն աջակցության:
Թերթի խմբագրականում Արևմուտքին կոչ է արվում չհանձնվել և հետ չկանգնել իր արժեքներից:
Հունվարի 7-ին ֆրանսիական Charlie Hebdo երգիծական շաբաթաթերթի վրա հարձակում էր իրականացվել: Ահաբեկչական գործողության հետևանքով զոհվել էր 12 մարդ, այդ թվում՝ թերթի գլխավոր խմբագիրը:










