Ֆրանսիացի ավիադիսպետչերները երկօրյա գործադուլ են սկսել

14:47 • 08.04.15

Ֆրանսիայի ավիադիսպետչերները 48 ժամ տևողությամբ գործադուլ են սկսել՝ բողոքելով կենսաթոշակային տարիքը բարձրացնելու և աշխատանքային պայմանների դեմ, հաղորդում է BBC-ի ռուսական ծառայությունը:

 

Ոլորտի ամենախոշոր արհմիության կողմից կազմակերպված ակցիան կարող է լրջորեն վնասել թռիչքների ժամանակացույցը չորեքշաբթի և հինգշաբթի օրերին:

 

Քաղաքացիական ավիացիայի վարչությունն արդեն խնդրել է ավիաընկերություններին չեղյալ հայտարարել միջազգային չվերթների կեսը:

 

Ընդ որում՝ Air France-ում ընդգծել են, որ ակցիաներից կտուժեն միայն կարճ հեռավորություններով չվերթները, մինչդեռ միջմայրցամաքային չվերթները կիրականացվեն առանց փոփոխությունների:

 

Մինչև ապրիլի վերջ դիսպետչերների արհմիությունը ևս յոթ օր գործադուլ է պլանավորել: