Վատիկանում հանդիպել են Հռոմի պապն ու Ռոնալդինյոն (լուսանկարներ)

Աշխարհի լավագույն ֆուտբոլիստներից մեկը` բրազիլացի հարձակվող Ռոնալդինյոն, Վատիկանում հանդիպել է Հռոմի պապ Ֆրանցիսկոսին, հայտնում է gazeta.ru-ն:

Նշվում է, որ հանդիպումը կայացել է Ռոնալդինյոյի` Scholas Occurrentes դպրոցների միջազգային ցանց կատարած այցի շրջանակում։

Աղբյուրը մանրամասնում է, որ դպրոցների միջազգային ցանցում ներառված է մոտ 400.000 հաստատություն, որոնք գտնվում  են աշխարհի 5 մայրցամաքներում: 

Ինչ վերաբերում է պոնտիֆիկոսի հետ կայացած հանդիպմանը, ապա կաթոլիկների հովվապետը շատ ջերմ է ընդունել բրազիլական ու համաշխարհային ֆուտբոլի աստղին։ Հետաքրքրական է, որ ինքը` Պապը, շատ է  սիրում ֆուտբոլ և երկրպագում է արգենտինական «Սան Լորենսո դե Ալմագրո» ակումբին։