Ալբանիան 10-ամյա արգելք է սահմանել ծառահատումների համար

Ալբանիան 10-ամյա արգելք է սահմանել արդյունաբերական նպատակներով ծառերի հատման համար։ Այդ մասին, ինչպես հայտնում է «Ինտերֆաքս» գործակալությունը, հայտարարել է երկրի շրջակա միջավայրի հարցերով նախարարությունը։

Ինչպես հայտնում է BBC News-ը, արգելքը հավանության է արժանացրել ալբանական խորհրդարանը. այդ որոշման օգտին քվեարկել է 140 պատգամավորներից 101-ը։

Օրինախախտներին մինչև 10 տարվա ազատազրկում և մինչև 36.000 եվրո տուգանք է սպառնում։

Արգելքն անհրաժեշտ է Եվրոպայի ամենաաղքատ երկրներից մեկում էկոլոգիական աղետից խուսափելու համար։

Ծառահատումները կթույլատրվեն միայն բացառիկ դեպքերում, օրինակ՝ տունը տաքացնելու համար։

Վերջին 25 տարում Ալբանիայի անտառային տարածքը կրկնակի կրճատվել է. տարեկան երկրում կտրվում է միջինը 2.5 մլն ծառ։