Եղանակն՝ այսօր
ԱՄՆ-ն մտադիր է THAAD հակահրթիռային համակարգեր տեղակայել Հրվ. Կորեայում
Պաշտոնական Վաշինգտոնն ու Սեուլը պատրաստվում են բանակցային գործընթաց սկսել գործողության միջին շառավիղ ունեցող ամերիկյան THAAD նոր սերնդի հակահրթիռային համակարգերը Հարավային Կորեայի տարածքում տեղակայելու հարցի շուրջ:
Ինչպես նշում է vz.ru-ն, տվյալ մտադրությունը պայմանավորված է օրեր առաջ Հյուսիսային Կորեայի կողմից բալիստիկ հրթիռակրի փորձարկմամբ:
Սակայն THAAD հակահրթիռային համակարգերի հնարավոր տեղակայման լուրը դուր չի եկել Չինաստանին, ինչի վերաբերյալ Պեկինի անհանգստությունը հայտնել է երկրի արտգործնախարարությունը:
«Բոլոր երկրները, փորձելով ապահովել իրենց անվտանգությունը, պետք է հաշվի առնեն այդ բնագավառում մյուս պետությունների շահերը ևս, ինչպես նաև տարածաշրջանում կայունության և խաղաղության ապահովումը»,-նշվում է Չինաստանի արտաքին քաղաքական գերատեսչության տարածած հայտարարությունում:
Աղբյուրը հիշեցնում է, որ պաշտոնական Մոսկվան հրթիռակրի փորձարկումից հետո շտապել էր դատապարել Փհենյանի գործողությունները:
Studio One