Անհայտ ինքնաթիռներն ավիահարվածներ են հասցրել Լիբիայում ԻՊ-ի դիրքերին. լրատվամիջոցներ

Անհայտ ծագմամբ ավիացիան այսօր ավիահարվածներ է հասցրել Լիբիայի Դերնա քաղաքում «Իսլամական պետություն» ահաբեկչական խմբավորման դիրքերին, հաղորդում է РИА Новости գործակալությունը՝ Afrigatenews-ին հղումով։

Կայքի տվյալներով՝ «անհայտ» ինքնաթիռների ավիահարվածներին է ենթարկվել քաղաքի 400-րդ թաղամասը, որը գրավել են ԻՊ-ի զինյալները։

Նաև նշվում է, որ ավելի վաղ այդ ինքնաթիռներն ավիահարվածներ էին հասցրել Բաբ Թոբրուք շրջանում։

Ավիահարվածների հետևանքով սպանվել են երկու զինյալներ և երկու խաղաղ բնակիչ։

Ավիահարվածները վնաս են հասցրել բնակելի տներին, մզկիթներին, շրջանի առողջապահական կենտրոնին։