Թուրքիայի ափերի մոտ փախստականներ տեղափոխող նավակ է խորտակվել. կա 22 զոհ

17:04 • 08.02.16

Էգեյան ծովում՝ Թուրքիայի ափերի մոտ, դեպի Հունաստան մեկնող նավակ է խորտակվել։

Ինչպես տեղեկացնում է Reuters գործակալությունը, նավակում փախստականներ են եղել։

Թուրքական առափնյա ծառայության տվյալներով՝ խեղդվել է 22 մարդ։

2015 թվականի նոյեմբերին հաղորդվել էր, որ մեկ օրում Հունաստանի փրկարարները Թուրքիայից եկած 9 նավակներից 400 ներգաղթյալի են փրկել։

Թուրքիայի վարչապետ Ահմեթ Դավութօղլուն հայտարարել էր, որ փետրվարի 5-ին թուրք-սիրիական սահմանին մոտեցել է մոտ 15 հազար մարդ։

Կիսվել այս նյութով

Placeholder

Օրվա կարեվոր