Եղանակն՝ այսօր
Հալեպում ռմբակոծության հետևանքով 15 մարդ է զոհվել. տուժել է հիվանդանոցի շենքը (տեսանյութ)
19:01 • 08.06.16
Սիրիայի Հալեպ նահանգի` ընդդիմադիր ուժերի վերահսկողության տակ գտնվող արևելյան շրջաններում այսօր իրականացված մի շարք ավիահարվածների հետևանքով 15 մարդ է սպանվել, տասնյակ մարդիկ վիրավորվել են:
Ինչպես հաղորդում է BBC-ն, վկայակոչելով իրավապաշտպաններին, ավիահարվածներից մեկն ընթացել է Աշ-Շաար շրջանի ժամանակավոր հիվանդանոցի ուղղությամբ: Հաղորդվում է, որ հիվանդանոցի շենքը մասամբ ավերվել է:
Իրավապաշտպան ակտիվիստների տարածած տեսագրություններում երևում է, թե ինչպես են զոհվածներին և վիրավորներին դուրս բերում ավերված շենքից:
Դեռևս պարզ չէ, թե ավիահարվածներն ով է հասցրել Հալեպի այդ շրջաններում: Հայտնի է, որ կառավարական զորքերը ներկա պահին փորձում են ամբողջությամբ գրավել քաղաքը, և շրջափակել են ընդդիմադիրների հսկողության տակ գտնվող արվարձանները:
Placeholder
Studio One