Եղանակն՝ այսօր
Կդիմեմ Չեխիայի խորհրդարանին, որ նրանք ևս Գերմանիայի օրինակով կատարեն Ցեղասպանությունը դատապարտող հայտարարություն. Միլոշ Զեման
Պետական այցով Երևանում գտնվող Չեխիայի Հանրապետության նախագահ Միլոշ Զեմանն այսօր նախագահական նստավայրում Հայաստանի Հանրապետության Նախագահի հետ հանդիպումից հետո ԶԼՄ-ների հետ հանդիպման ժամանակ հայտարարեց, որ Հայոց ցեղասպանության վերաբերյալ իր դիրքորոշումը հայտնել է դեռևս 2014 թվականին Հայաստանի Նախագահ Սերժ Սարգսյանի՝ Չեխիա կատարած այցի ընթացքում:
«Դա հիմնավորված էր նաև այն փաստով, որ նացիստական Գերմանիայի հաղթանակի դեպքում իմ ազգը ևս կկրեր նման տույժեր և պատմությունը կնմանվեր: Գիտեմ, որ Ցեղասպանությունը դատապարտել են Եվրամիության 10 երկրներ, ոչ Եվրամիության երկրներից կարող եմ նշել Կանադան և Ռուսաստանը: Որպես իմ հայտարարությանը հաջորդող քայլ՝ կդիմեմ Չեխիայի խորհրդարանին, որպեսզի նրանք ևս Գերմանիայի օրինակին հետևելով կատարեն նմանատիպ հայտարարություն»,-հայտարարեց Չեխիայի Հանրապետության նախագահ Միլոշ Զեմանը:
Studio One