350 կգ. Ֆրանսիայում փղոսկրի խոշոր խմբաքանակ է առգրավվել

Ֆրանսիայում մաքսատան աշխատակիցները վերջին տասնամյակի ընթացքում փղոսկրի ամենախոշոր խմբաքանակն են առգրավել, նրա քաշը կազմել է 350 կգ, հայտնել է մաքսային ծառայության վարչության պետ Էլեն Կրոկվյեն:

«Մենք գործ ունենք կազմակերպված ցանցի հետ, որը ոչնչացնում է աֆրիկյան փղերի պոպուլյացիան»,- նշել է պաշտոնյան:

Մաքսատան աշխատակիցները պարզել են խմբավորման գործունեության մասին նախորդ սեպտեմբերին մեքենաների ստուգումների ժամանակ, գրում է korrespondent.net-ը։

Քննությունը պարզել է գործարարի մասին, ով 212 կգ փղոսկր է պահել իր փարիզյան գրասենյակում:

Այնուհետև փարիզյան օդանավակայանում ձերբակալվել է մի մարդ, ով Անգոլայից Վիետնամ է մեկնել և տեղափոխել 142 կգ փղոսկր: Ըստ ԶԼՄ-ների` ուղևորը դատապարտվել է 18 ամսվա ազատազրկման և տուգանվել 140.000 եվրոյով: