Մեքենաշինության ոլորտում նորարար Faraday Future ընկերությունն աշխատանքի է ընդունել Ferrari  նախկին տնօրենին

Էլեկտրամեքենաների արտադրություն սկսող Faraday Future  ամերիկյան ընկերությունը պաշտոնապես աշխատանքի է ընդունել Ferrari  նախկին գործադիր տնօրեն Մարկո Մատտիաչիին:

Ինչպես հայտնում է Business Insider-ը, իտալական ապրանքանիշի նախկին տնօրենն ամերիկյան մեքենաշինական ընկերություն կզբաղեցնի ընկերության գլոբալ բրենդի տնօրենի և կոմերցիոն տնօրենի պաշտոնը:

Մատտիաչին իր աշխատանքն ամերիկյան ընկերությունում սկսում է անելիքների երկար ցուցակով, ներառյալ` գլոբալ մասշտաբով նորարարական սպառողական փորձառություն ապահովող առաջարկների իրագործումը:  

Մատտիաչին մեծ դեր կխաղա մեքենաշինության ոլորտում հաջորդ սերնդի տեխնոլոգիաների ստեղծման և շուկայում էլեկտրական ինքնակառավարվող մեքենաների ներկայացման գործում: