Մոսկվայի ոստիկանությունը դատարան է ուղարկել սթրիթռեյսեր Մառա Բաղդասարյանի նկատմամբ հարուցված քրգործը

Մոսկվայի ոստիկանությունը դատարան է փոխանցել սկանդալային մրցավազքերին  մասնակցելով հայտնի սթրիթռեյսեր Մառա Բաղդասարյանի դեմ հարուցված քրեական գործը: Ինչպես հայտնում է ՏԱՍՍ գործակալությունը` մեջբերելով դատարանի մամլո հաղորդագրությունը, իրավապահներն ընդունել են նրա ներկայացրած բժշկական տեղեկագիրը:

«Մոսկովյան քննչական վարչությունն ավարտել է աղջկա նկատմամբ հարուցված քրեական գործի նախնական հետաքննությունը ՌԴ Քրեական օրենսգրքի 3-րդ հոդվածով` «Ակնհայտ կեղծ փաստաթղթերի օգտագործման» գործով` պարզելով, որ նա իրական բժշկական տեղեկագիր է ներկայացրել` խուսափելով ավելի վաղ դատարանի սահմանած վարչական պատժի կատարումից», ասվում է գերատեսչության հաղորդագրության մեջ:

Մայրաքաղաքային ոստիկանության մամլո ծառայությունից հայտնել են, որ գործը դատարան է ուղարկվելու հետագա հետաքննության համար:

Դատախազությունը դատարան էր դիմել Բաղդասարյանին վարոդական իրավունքից զրկելու պահանջով` պատճառաբանելով բժշկական հակացուցումները:

Հիշեցնենք, որ անցյալ տարվա դեկտեմբերին մոսկովյան դատարանը Մառայի դեմ հարուցված 72 վարչական գործ է քննել, որի արդյունքում նրա նկատմամբ 10 և 14 օրվա կալանք է սահմանվել, ինչպես նաև 595 ժամյա բակային հավաքարարի հարկադիր աշխատանք: Բացի այդ նրան տուգանել են 83 000 ռուբլու չափով: