Եվրամիությանն անհրաժեշտ է այնպիսի երկիր, ինչպիսին Թուրքիան է, որ այն ուժեղ դարձնի. Էրդողան
Թուրքիայի նախագահ Ռեջեփ Թայիպ Էրդողանը հայտնել է, որ կարող է վերանայել իր դիրքորոշումը Եվրոպական միությանն անդամակցության հարցում, եթե պահպանվի ԵՄ որոշ անդամ-երկների ներկայիս թշնամական տրամադրությունը, փոխանցում է ՏԱՍՍ գործակալությունը:
«Եթե նրանք արդար չգործեն, մենք ստիպված այլ ելք կփնտրենք: Ինչու՞ պետք է նորից սպասենք: Խոսքը գնում է 54 տարիների մասին»,- հայտարարել է Էրդողանը՝ ավելացնելով, որ պատրաստ է երկրի ԵՄ անդամակցության հարցը մտցնել հանրաքվե, ինչպես դա արեց օրինակ Մեծ Բրիտանիան:
«Եվրամիությանն անհրաժեշտ է այնպիսի երկիր, ինչպիսին Թուրքիան է, որը նրան շատ ուժեղ կդարձնի: Սակայն ԵՄ անդամ-երկրները չեն գիտակցում դա: Նրանց համար շատ դժվար է ընդունել մահմեդական երկիր»,- եզրափակել է Էրդողանը:










