Թբիլիսիի կենտրոնում հրդեհ է բռնկվել. մարդկանց տարհանել են (լուսանկար)
Թբիլիսիում Մտացմինդա լեռան վրա անտառային տարածքում հրդեհ է բռնկվել և արագ տարածվել ընդհուպ մինչև Մտացմինդայի պուրակի ատրակցիոնները։
Արդեն մեկ շաբաթից ավել է Թբիլիսիում օդի ջերմաստիճանն անցնում է 37 աստիճանը, և շուրջ մեկ ամիս է, որ անձրև ընդհանրապես չի տեղացել:
Հրդեհի վայրում աշխատում են շտապ օգնության բրիգադներ ու ոստիկանության ներկայացուցիչներ։ Հրդեհի մեկուսացման աշխատանքները դժվարանում են բարդ ռելիեֆի պատճառով՝ հրդեհված անտառային զանգվածը լեռան վրա է։
Դեպքի վայրում է Թբիլիսիի քաղաքապետ Դավիթ Նարմանիան և խորհրդարանի նախագահ Իրակլի Կոբախիձեն։ Հայտարարվել է փրկարար ծառայությունների լիարժեք մոբիլիզացիա։ Մարդկանց արդեն տարհանել են Մտացմինդայի ողջ շրջանից:











