Ռուսաստանում հայ ամուսինը գլխատել է 39 ամյա կնոջն ու փորձել ինքնասպան լինել

18:25 • 12.08.17

Ռուսաստանի Դոնի Ռոստով քաղաքում ազգությամբ հայ ամուսինը դանակահարել է կնոջն ու գլխատել: Նրանք Ախալքալաքի Սուլդա գյուղի բնակիչներ են եղել, ովքեր մեկնել են մշտական բնակության Դոնի Ռոստով:

Այս մասին Tert.am-ի հետ զրույցում ասաց նույն գյուղի ռուսաստանաբնակ բնակիչ Գարեգին Խաչատրյանը:

«Գևորգյանների ընտանիքը բնակվում է Դոնի Ռոստովում: Երկու երեխա ունեն: Վարկածներ կան, որ ամուսինը՝ Վ. Գևորգյանը հոգեկան խնդիրներ է ունեցել և բուժումից հրաժարվել է:   Հարազատների խոսքով՝ 39 ամյա կնոջը՝ Սիրուն Վարդիկյանին գլխատելու պատճառը խանդն է»,- ասաց նա։

Գարեգին  Խաչատրյանի խոսքով՝ մոր դին ու վիրավորված հորը բնակարանում հանտնաբերել է նրանց որդին և անմիջապես զանգահարել շտապօգնության ծառայություն։

«Կնոջը դանակահարելուց հետո ամուսինը փորձել է ինքնասպանություն գործել և դանակի հարվածներ է հասցրել իրեն»,- ասաց Խաչատրյանը, հավելելով, որ այժմ նա գտնվում է վերակենդանացման բաժանմունքում: