Միջազգային մարդասիրական խմբերը դադարեցնում են ներգաղթյալներին փրկելու գործողությունները Միջերկրական ծովում
Միջազգային մարդասիրական կազմակերպությունները սկսում են դադարեցնել ներգաղթյալների փրկությանն ուղղված գործողությունները Միջերկրական ծովում, քանի որ սպառնալիքներ են ստացել Լիբիայի առափնյա ծառայության փրկարարներից:
Reuters գործակալության հաղորդմամբ՝ «Բժիշկներ առանց սահմանների» կազմակերպությանը երկու այլ խումբ է միացել: Այս որոշման մասին կիրակի հայտարարել են «Փրկենք երեխաներին» և Գերմանիայի SeaWatch մարդասիրական կազմակերպությունները՝ նշելով, որ իրենց թիմերն այլևս չեն կարողանում անվտանգ աշխատել Լիբիայի իշխանությունների թշնամական դիրքորոշման պատճառով:
Նշվում է, որ շաբաթներ շարունակ լարվածությունը մարդասիրական օգնություն ցուցաբերող խմբերի և իտալական կառավարության միջև աճում էր, քանի որ Իտալիան այդ կազմակերպություններին մեղադրում է ներգաղթյալների անօրինական տեղաշարժին աջակցելու մեջ:
Ավելի քան 13 000 փախստական է զոհվել՝ փորձելով հատել ծովը:










