«Դոմոդեդովո» օդանավակայանում ՀՀ քաղաքացի է մահացել

14:41 • 16.08.17

Այս գիշեր մոսկովյան «Դոմոդեդովո» օդանավակայանում Հայաստանի քաղաքացի է մահացել: Այդ մասին «Московский Комсомолец»-ին հայտնել է օդանավակայանի ղեկավարությունում աղբյուրը:


57-ամյա տղամարդը պետք է դստեր հետ Երևան մեկներ, սակայն ժամը 2:45-ին նա իրեն վատ է զգացել մեկնման սրահում:


Տղամարդուն տեղափոխել են բուժկետ, սակայն նրան փրկել չի հաջողվել: Նա մահացել է սուր սրտային անբավարարությունից:


Հայտնի է, որ մինչև օգոստոսի 14-ն ուղևորը բուժվել է հիվանդանոցում թոքերի օնկոլոգիական հիվանդությունից: