«Ռեալն» իր ցավակցությունն է հայտնել Բարսելոնայի ահաբեկչության կապակցությամբ

23:14 • 17.08.17

Մադրիդի «Ռեալ» ֆուտբոլային ակումբն իր ցավակցությունն է հայտնել Բարսելոնայում տեղի ունեցած ահաբեկչության կապակցությամբ:

«Ցանկանում ենք մեր խորին ցավակցությունը հայտնել Բարսելոնայում կատարվածի առթիվ և հայտարարել, որ «Ռեալը» ամեն կերպ աջակցում է հարձակման հետևանքով տուժածներին, նրանց ընտանիքներին և ընկերներին: Հույս ենք հայտնում, որ վիրավորում ստացած բոլոր անձինք շուտով կապաքինվեն», -ասվում է ակումբի պաշտոնական կայքում:

Իր ցավակցությունն է հայտնել նաև Իսպանիայի թագավորական տունը: «Ողջ Իսպանիան Բարսելոնա է», - ասվում է թագավորական տան թվիթերյան հաղորդագրության մեջ:

Հիշեցնենք, որ վերջին տվյալների համաձայն՝ զոհերի թիվը կազմել է 13, իսկ վիրավորներինը՝ գերազանցել 60-ը: