«Ուժեղ և ամուր եղեք. մենք սիրում ենք ձեզ». Դոնալդ Թրամփը գրառում է կատարել Բարսելոնայի ահաբեկչության վերաբերյալ
ԱՄՆ նախագահ Դոնալդ Թրամփը թվիթերյան իր էջում գրառում է կատարել՝ դատապարտելով Բարսելոնայում տեղի ունեցած ահաբեկչությունն ու պատրաստակամություն հայտնել օգնել Իսպանիային:
«Միացյալ Նահանգները դատապարտում է իսպանական Բարսելոնայում տեղի ունեցած ահաբեկչական հարձակումը և կանի ամեն հնարավորը օգնելու համար:Ուժեղ և ամուր եղեք: Մենք սիրում ենք ձեզ», - գրել է ԱՄՆ ղեկավարը:
Ավելի վաղ ԱՄՆ պետքարտուղար Ռեքս Թիլերսոնը ցավակցություն եր հայտնել ահաբեկչության հետևանքով տուժածներին և զոհերի հարազատներին:
Հիշեցնենք, որ Բարսելոնայի կենտրոնական Լա Ռամբլա փողոցում տեղի ունեցած ահաբեկչության հետևանքով զոհերի թիվը հասել է 13-ի, վիրավորներինը գերազանցում է 50-ը:










