Մեզ համար խորհրդային սահմանների շարունակականությունը անընդունելի սկզբունք է, կայծակնային սահմանազատումը՝ անընդունելի գործընթաց. Արտակ Բեգլարյան

23:26 • 17.12.20

Արցախի Մարդու իրավունքների պաշտպան Արտակ Բեգլարյանը ֆեյսբուքյան իր էջում գրառում է արել՝ նշելով, որ անընդունելի են համարում խորհրդային սահմանների շարունակականությունն ու սահմանազատման գործընթացի արագությունը։

«Մեզ համար խորհրդային սահմանների շարունակականությունը անընդունելի սկզբունք է, իսկ կայծակնային սահմանազատումը՝ անընդունելի գործընթաց: Անհրաժեշտ է գտնել համապատասխան ներուժ ու մեխանիզմներ դրանցից խուսափելու համար, առավել ևս, որ երկուսի մասով էլ առկա են ավելի քան բավարար միջազգային իրավական ու պատմական հիմքեր ու փաստարկներ»,-գրել է նա:

Հիշեցնենք, որ ինչպես Արցախում, այնպես էլ ՀՀ սահմաններին՝ Սյունիքում ու Գեղարքունիքում, սահմանազատման գործընթացը տեղի է ունենում խորհրդային քարտեզների հիման վրա՝ GPS սարքերի միջոցով։